قصه كامله بقلم نيفين بكر

يارب وان شاء الله انتي قدها 
اهااا ي سوسو ياا رافعة معنوياتي قالتها وهي ټحتضنها
مالك ي سارة فيكي حاجة 
سارة...والله ماعارفة ااقولك ايه 
ملك ..هو الموضوع خاص ب دكتور عصام
سارة..ايوة ي ملك مش عارفة ساعات بحس انه بيبادلني نفس احساسي بيه وساعات بحس ان انا ولا عل باله
ملك ...ي سارة ي حبيبتي دكتور عصام راجل عملي تقريبا مش بيعرف يعبر عن احساسه
سارة.. يعني تقصودي ايه تقصودي اني اصارحة باللي ف قلبي
ملك ..لا طبعا مش داا قصدي انا قصدي انك تركزي في مزكرتك انتي في طب يعني مزاكرة ليل ونهار 
وسيبك من الحكايه دي مؤقتا الوقت هو ال هيحلها 
وعلي فكرة انا حاسة ان دكتور عصام مهتم بيكي
انتي ناسية فرح ازي لما جبتي مجموع كبير وهو ال شجعك عل دخولك طب .. 
بجد ي ملك تفتكري قالتها سارة بسعادة
ملك. ..طبعا ي بنتي هو انتي شويه دا انتي القمر بتاعنا
هو يطول 
ياريت يا ملك اصلك ماتعرفيش انا بحبه قد ايه اهااا دا هو العشق ي بنتي
ملك ضاحكة ...ي بت اتقلي مش كدا 
يلا اسيبك بقي سلام قالتها ملك وهمت بالذهاب لايجاد عمل...
..............................................
في فيلا الجد سليم المهدي 
ف غرفه فهد
يوووه احنا مش هنخلص من الزن داا قولتلك لما اخلص من المشروع ال في ايدي وكمان في حفلة رجال الاعمال السنويه كل دا وانتي بتتكلمي ف تفهات
تفهات !!
انتي بتسمي الخلفة تفهات ي فهد
وتظاهرت بالبكاءيبقي انت مش بتحبني زي ما ماما بتقول 
لو بتحبني كنت سعيت للخلفة بنفسك..
ي فهد انا بحبك ونفسي في حتته طفل منك يكبر جوايا 
وكمان جدك ال مستلمني كل يوم في الرايحة والجاية
واديني عملت زي ما قال والدكتور قالي كله تمام
فهد بضيق .خلاص ي ستي هعملك ال انتي عوزاه بس اخلص من الشغل ال عندي 
روجيدة...حبيبي ي فهود هتيجي عل الغدا النهاردة 
فهد... لا اتغدوا انتوا انا هتاخر
ماشي ي حبيبي انا هتغدي مع مامي وهقعد معاها وانت راجع عدي عليا خدني 
ماشي يلا سلام قالها فهد وتركها وذهب
.......................................
ف غرفة الالعاب الرياضية الخلفيه للفيلا
وهو يرتدي بدله التمرينات الرياضيه ويلبس الكفازات الخاصة برياضة الملاكمة وهو ويضرب ال كيس الرملي
تدخل عليه جني 
جني وهي هائمة بشكله فكان كالابطال المحاربين بكتاب الاساطير بشعرة الغير مرتب وقطرات العرق المتصببه عل جبينه وعضلاته النافرة من المجهود.. 
عمر اول ماانتبه لها بابتسامة جانبيه ذادته وسامة عل وسامته
خير ي جني في حاجة
جني.. ها اه لا ابدا اصل اصل جدو بعتني ليك عوزك 
عمر.. طيب روحي قوليلو هخلص تمرين وهاخود شاور وجايله
احم .هو انت مش رايح الشغل النهاردة
لا انا مسافر كمان ٣ ساعات ورايا مأموريه ف اسوان هقعد اسبوع
جني بحزن..اسبوع يعني مش هتحضر الحفله
لا ان
شاء الله هحضرها هرجع عل عصر يوم الحفله 
طب تحب اجهزلك شنطتك ولا حاجة
لا شكرا انا محضر كل حاجة قالها بأقتضاب
جني هو انت زعلان مني 
وهو انتي بتعملي حاجة تزعل 
عمر من فضلك كلمني عل طول لوفي حاجة مزعلاك عرفني مش هتفضل متجاهلني كدا عل طول
عمر وبعد ان ضړب كيس الرمل بغيظ جعلها تنتفض من الخضه
عمر..انا قولتلك كام مرة ماتتاخريش برة لحد الساعة 9
جني ..انا مااتخرتش والله انا كنت مع صحباتي مش معقول همشي واسيبهم
عمر.. اها تمام تكسري كلمتي ولا انك تزعلي صحباتك ماشي ي جني براحتك وهم بمتابعة رياضته
الا انها قالت له
خلاص اخر مرة مش هتاخر تاني بس عشان خاطري ماتمشيش وانت زعلان مني 
نظر لها عمر بدون ولا كلمه
جني وهي ب عيون دامعة وشفاه مرتعشه خلاص انا عرفت اني ماليش خاطر عندك عن اذنك
ال ان صوته اوقفها 
جني ...
التفتت له جني وهي ناظرة للارض كي لا يري دموعها
قرب منها وبان فرق الطول والجحم بينهم
بوصيلي ..قالها عمر 
جني وهي تهز راسها يمين ويسار ومازالت تنظر للارض
قرب منها اكثر ورفع ذقنها بيده
عمر..جني 
اجهشت جني بالبكاء وارتمت في حضنه 
عمر .. وهي يمسد عل شعرها جني خلاص بلاش عياط انا مش زعلان 
جني بصوت باكي ومازالت في حضنه انت زعلان ومتجاهلني 
بس والله مش هزعلك تعاني
ليه ي جني قالها عمر
رفعت عيونها الباكيه له كانها لم تفهم سؤاله
بقولك ليه مش هتزعليني تاني
عشان .عشان .عشان انت ابن عمي ومااحبش ازعلك
بس كدا سالها عمر
عضت جني عل شفاها وكد اكتسي وجهها بحمرة الخجل لا مش بس كد
عمر وقد قرب وجه ومن وجها اكثر 
هااا اومال ايه قالها بصوت هامس 
جني ااانا اانا هروح لجدو اكيد بينادي عليا 
وفرت من امامه هاربه
نظر عمر في اثارها وردد في خفوت ..
هتجننيني ي بنت عمي
......... ................ ...............
في شركه فهد
شريف ...وهو يهاتف المنسق الاعلامي للشركة
ادي كل المواصفات ال قولتهالك اعمل الاعلان فورا عوزين سكرتيرة لمكتب فهد باشا في اسرع وقت
المنسق ...تمام ي فندم 
يفتح باب المكتب ويدخل بعصبيه
فهد ..ها لقيت سكيرتيرة
شريف ..لسة بنعمل الاعلان
فهد ..انت لسة هتعمل اعلان دا ولا اسبوع عل ماتلاقي واحدة مناسبة كدا الشغل هيتعطل قالها بصوت عالي
شريف ...مالك ي صاحبي فيك اي
فهد.. مفيش انا عامل عل الشغل
شريف.. مفيش شغل متعطل ولا حاجة حتي منيرة لسة بتيجي مااجزتش
فهد .......
شريف ..طيب تمام هسيبك لما تهدا خالص عشان تحكيلي 
ولا ااقولك تعالي النهاردة هسهرك حتة سهرة هتنسيك اسمك في كام بنت جداد انما ايييييييه صاااااروخ ارض جووو
فهد وهو ينظر له نظرة يعرفها هو 
شريف ..احم طب انا رايح المكتب وهشوف كام حاجة كدا وراجعلك تاني تكون هديت 
فهد بعد ماخرج شريف وهو يقول في نفسه پألم
ليه ي جدي ديما بتعمل معايا كدا ليه بتمسكني من ايدي ال بتوجعني ليه بتجبرني اعمل حجات انا مش عوزها ليييييه
الفصل الرابع
في الشركة ب مكتب شريف
يستقبل المتقدمات لعمل السكرتيرة
كل المتقدمات بلا استثناء وكانهم يتقدمون للعمل ب ملهي ليلي بملابسهم الڤاضحة ومساحيق التجميل المبالغ فيها..
فكان شريف جالس مبتسم وامامة تجلس احدي الفتيات ولكن تغيرت ابتسامته وارتسم الجدية عندما فتح عليه فهد المكتب .
فهد ..هاتلي ملف المناقصة الجديدة اراجع الشروط 
وانت كمل ...
اوك...
تقدري تتفضلي انتي ي انسه وهنبلغك بالفون 
الفتاة ب دلع... هستني اتصالك باااي
شريف وهو يغمز بعنيه مش هخليكي تستني كتير..
فهد..مش عارف انت هتعقل امتي...
مش هعقل خليتلك العقل انا مبسوط كداا 
طب انجز يلا ..
شريف... وهو يناوله الملف ..احم بقولك اي ي بوص ما تتبحبحها حبه معانا اهي تبقي تطري الدنيا شويه
فهد ..شرييييف انا قولتلك خلي الهلس بعيد عن الشغل
خلاص ي بوص ما تتعصبش ال تشوفوا
شريف .وهو يهاتف سكرتيرة مكتبه اسماء ف الفون
اسماء دخلي ال عليها الدور..
ودخلت الفتيات الواحدة تلو الاخرى ولكن دون جدوى 
مع اخر متقدمة تخروج من المكتب 
شريف بنفاز صبر ..اهو مفيش ولا واحدة هنعمل اي 
فهد.. وهو يفرك ذقنه شريييف ال قولت عليه يتنفذ بالحرف ويتابع النظر في الملف...
.....................................
في بيت سارة 
ام سارة ...هي ملك مااتصلتش
سارة...اتصلت ي ماما وقالت انها رايحة شركة عشان تقدم في اعلان السكرتيرة
ام سارة...ربنا يوفقها ي بنتي ويوقفلها ولاد الحلال يارب
سارة ....يارب يا مامتي
يرن جرس الباب.....
ام سارة قومي افتحي تلاقيها ملك
سارة ...لحقت دي مش معقول تقولها وهي تفتح الباب
احم ..السلام
عليكم ..
وعليكم السلام ..
مين ي سارة ملك دي
لا ي ماما دا دكتور عصام
...
تعالي ي ابني اتفضل.....
احم اسف بس كنت حابب اسال علي ملك عملت اي 
مع شريك باباها 
سارة ....الرجل ڼصب عليها وسافر...
لاحول ولا قوة الا بالله طب هي كانت قالتلي ممعهاش اي حاجة تثبت حقها هتعمل اي دلوقت
سارة..ولا حاجة هي اساسا استعوضت ربنا فيهم
طب هي موجودة ااقدر اكلمها 
لا والله ي ابني نزلت تدور علي شغل
شغل اي داا ال هتدور عليه وهي لسة في اولي كليه
مش كفايا مادخلتش الكليه ال بتحلم بيها
سارة..لا ي دكتور هي قدمت انتساب عشان تقدر تشتغل وتصرف علي نفسها 
ام سارة..والله ي ابني انا قولتلها بلاش شغل وانتي عندي زي سارة وماتقلكيش من اي مصاريف بس هي ال اصرت
د عصام..انا عارف ملك نفسها عزيزة مش هتقبل حد يساعدها 
طب استاذن انا واسف مرة تانيه....
لا ي ابني ماتتاسفش انتي تيجي قي اي وقت 
ربنا يخليكي ي طنط . سلام عليكم
سلام ي حبيبي وابقي سلملي علي الست ولدتك
يوصل باذن الله سلام 
مع السلامة قالتها سارة وامها .....
.........................
في فيلا الجد سليم المهدي 
في غرفة جني 
الاء ..تعالي نخروج بقي انا زهقت
جني... مش عوزة اخروج ماليش مزاج
هايدي ..لاء ليه ي كائن النكد انتي الاجازة هتخلص واحنا لا طلعنا مصيف ولا خرجنا خروجة عدله من البيت للنادي ومن النادي للبيت
عوزة خروجة كدا مترقعة 
جني ..امشي ي بت طرقعي بعيد مش نقصاكي 
الاء...دا انتي ممله كل دا عشان حبيب القلب سافر
جني وهي تقذفها بالمخدة اطلعي انتي منها ي غلسة
الاء...هههههه خلاص ي مجنونه ..
قوليلي هتلبسي اي في الحفله..
لسة ماقررتش..
ي بنتي مفيش وقت لسة يومين بس 
ماشي تعالي بكرة ننزل نشوف حاجة كويسة 
اوك بس بشرط اختارلك عل زوقي
لو عريان مش هينفع ابيه فهد مش هيوافق بيه وعمر هيزعل
بت انتي انتي تسيبي ليا نفسك خالص لا تقولي ابيه ولا عمر دي فرصتك عشان تباني قدام عمر انك كبرتي وماعتيش صغيرة 
بس.....
مفيش بس اسمعي كلامي 
طيب ربنا يستر ومايقتلونيش عل ايدك....
..................................................... 
عودة للشركة 
في مكتب شريف
اسماء تطرق الباب ...اذن لها شريف
مستر شريف في بنت برة عوزة تتقدم للوظيفه
اوك دخليها ي اسماء قالها بضيق...
دخلت المتقدمة .السلام عليكم 
وعليكم السلام رد عليها شريف
اما هو فكان ينظر لها من راسها الي قدميها 
فكانت ترتدي شيميز اسود عل بنطلون اسود ليجن 
وشعرها مفرود باريحة عل كتفيها ووجها خالي من اي مساحيق التجميل وكانت جميلة بشترها بيضاء وعيونها لا تحتاج لكحل فكانت عيونها زرقاء لا خضراء ما هذا اللون المركب كانه لون السماء مخلوط بماء المحيط
وشفاه لونها وردي ليفيق عل صوت شريف عندما قال
الاسم والسن 
اسمي ملك عبد الله 19سنه في اول سنه ليا ف كليه التجارة
شريف ..اسف ي انسه مش هينفع تشتغلي معانا احنا عوزين واحدة متفرغة وانت زي ما بتقولي في كليه 
مش هتقدري توفقي بين الشغل والكليه ودا طبعا هياثر عل كفاءتك في الشغل اسف مرة تانيه وحظ موفق ليكي في مكان تاني ...
ملك ..من فضلك انا اصلا قدمت في الكليه انتساب يعني مش هروح الا عل الامتحانات بس من فضل حضرتك جربني حتي اسبوع وان ما التزمتش همشي والله 
ليقوم فهد من مكانه ..
قالك لا ي انسه خلاص مش هينفع .....
حضرتك مين انا بكلم مستر فهد صاحب الشركة مش بكلم حضرتك من فضلك ما تتدخلش في ال مالكش فيه
ليبرق شريف عينه ويقول ف نفسه نهارك اسود في حد يوقف قصاد الاسد والنبي كانت بونيه جميلة
شريف..احم ي انس 
فهد...استني انت ي شريف 
ملك بصوت هامس وهي تضع يدها عل فمها
احيه باين عليا عكيت الدنيا 
فهد بغض النظر عن انا صاحب الشركة او لا محدش علمك تتكلمي باحترام وبزوق 
انا اسفة والله حضرتك ماتعرفش انا محتاجة الشغل داا قد اي.....
طلبك مرفوض اتفضلي ....
ملك ..قامت من مكانها وتوجهت للمغادرة المكتب
ولكنها التفتت مرة اخرة 
من فضلك انا محتاجة الشغل داا بجد والله انا شاطرة في الحسابات وكمان اعرف لغات انجليزي والماني وفرنساوي وايطالي...
نظر لها فهد باستغراب!!!
عوزة تفهميني انك بتعرفي اللغات دي طيب انا هختبرك 
ولو نجحتي اعتبري نفسك اتقبلتي لكن لو فشلتي تاخدي بعضك ومااشوفش وشك تاني..
حاضر والله انا جاهزة....
شريف هات الايميل ال الشركة الالمانيه بعتته
وهات ورقة وقلم..
ناوله شريف ما طلب
اتفضلي ي انسة ترجميلي الايميل داا
قودامي هنا..
لتاخذ منه ملك الورقة والقلم وتبدأ ف ترجمة الايميل بمهارة اتفضل حضرتك 
مكتوب في الايميل ان الشركة طالبه من حضرتك الحضور ل المانيه خلال اسبوعين لدراسة مشروع استيراد شحنه الاجهزة الطبيه للمشفي الجديد وكاتبه لحضرتك انك ها تقيم في فندق كبير هناك وكتبين اسمه وعنوانه 
وكمان بيقولوا لحضرتك لو حبيت تجيب ال كله تقدر تجيبوا بس بالغهم عدد الافرد في اقرب وقت عشان يبداءو بعمل الترتيبات اللازمة لاستقبالكوا 
تمام قالها فهد ...
بصي ي انسه اسمك ايه 
ملك ي فندم ...
تمام ي انسه ملك تقدري تستلمي شغلك من بكرة 
الساعة 8بالدقيقة تكوني علي مكتبك مدام منيرة هتقعد معاكي يومين وهتعرفك كل حاجة عن شغلك
مش مسموح باي خطاء في الشغل مش مسموح بالتاخير او بالغياب مش مسموح بالاهمال مش مسموح بخلط حياتك الشخصية بالشغل ..
مفهوم ي انسة !!
تمام ي فندم مفهوم باذن الله هكون عند حسن ظن حضرتك..
كدا تقدري تتفضلي مدام اسماء هتعرفك مكتبك
ل تستاذن ملك وتغادر المكتب بسعادة كبيرة 
الحمد لله قالها شريف وهو يزفر من الارهاق
كاننا كنا بندور علي ابرة في كوم قش
فهد....... 
شريف .اي ي بوص مالك 
مفيش ي شريف يلا انا رايح مكتبي ..
شريف ..اوك ي بوص 
انا هبعت اجيب غدا تحب اجيبلك معايا
اوك هاتوا وتعالي عندي يقولها وهو يهم بمغادرة المكتب
اوك 
.............................................
في فيلا رشدي الصواف والد روجيدة
ام روجيدة..عملتي ال قولتلك عليه مع فهد
روجيدة ..ايوة ي مامي...
ام روجيدة ..تمام كدا احنا ماشين صح..
روجيدة انا مش مطمنه خاېفة..
خاېفة من اي مهو كل حاجة تمام لحد الوقت جمدي قلبي انتي بس وسيبي كل حاجة عليا
حاضر ي مامي..
يقاطعهم في الكلام دخول رشدي والد روجيدة 
ماتسمعيش كلام امك .امك هتغرقك 
ام روجيدة..انت بتقول اي انا هغرقها انا بثبت رجليها اكتر 
وبعدين اتفضل حلها انت ي ابو العوريف
انتوا حرين انا قولت ال عندي فهد مش غبي ولا سهل وهيعرف هيعرف ولو عرف انا برة الموضوع 
انا مش قد فهد سامعين.
روجيدة بوجة شاحب اعمل ايه قولي ...
انا رايي تصارحيه بالحقيقة والا ماتلوميش غير نفسك 
مهي لو صارحته هتخسره
لالا ي مامي انا مش ممكن اخسر فهد 
انا ماصماصدقتمدقت اتجوزه تقوليلي هتخسريه انا ما معنديش استعدد اخسر المكانه ال انا فيها دلوقتي 
انا في اي مكان بقول انا مدام فهد المهدي بتتفتحلي كل الابواب 
ام روجيدة...يبقي تسمعي كلامي كويس...
حاضر ي مامي هسمع كلامك في كل حاجة 
ليرن هاتف روجيدة 
بس بس دا فهد بيتصل
الووو .حبيبي
فهد.......
لا ي روحي انا مستنياك
فهد ........
حاضر انا هجهز عل ما تيجي
فهد ........
ليقول لها والدها قوليلو يجي يقعد معانا شويه
روجيدة...بابي بيقولك ماتيجي تقعد شويه
فهد ............
اوك ي حبيبي باي
روجيدة ..بيقول مش هينفع خليها مرة تانيه..
رشدي ... يقول بتحزير لاخر مرة بقولكم انتوا الانتين انا خارج لعبتكم ويتركهم ويذهب
ام روجيدة ...سيبك منه انا عاملة حساب كل حاجة
روجيدة ..اوك ي مامي لما ااقوم اجهز نفسي فهد عل وصول ............
الفصل الخامس 
في بيت ام سارة
سارة احكيلي احكيلي ها واي كمان 
ملك ..هي حدوته ي بنتي ماانا حكيتلك 10مرات هعيد تاني
سيبيني ااقوم انام تقولها وهي تتثاوب
عشان ااقوم