رواية حب بقلم احلام عاصم كاملة رواية حب بقلم احلام عاصم كاملة

التيشرت الأبيض ولا الأسود
الأسود
و البنطلون
حلو إلي ف إيدك اليمين
طب و الساعه
طفيت التليفزيون و قمت عايز إيه ي زين
متزعليش أنا آسف 
على إيه
ده إلي عايز أعرفه منك أنا عملت إيه
حلم
أنا محتاجه أرتاح تصبح على خير.
سيبته و مشيت دخلت أوضتي و قفلت الباب ب هدوء هدوء غريب غريب لدرجة قادرة تنهيني فجأة لاقيت نفسي أتجوزت!...

مكنتش عايزه اتجوز ولا ف دماغي أصلا بس ماما استخدمت أقوي سلاح عندها و أضعف حاجه ليا إستخدمت تعبها عشان تخليني أوافق و قد كان بس انا مش قادره أستوعب المفروض إننا بقالنا 8 شهور متجوزين و المفروض إنه ميستحملنيش أنا مش عارفه هو قابل عصبيتي و مزاجيتي و كل الحواجز إلي حطاها بينا ليه!.
أنا مثلا بحب الليمون بنعناع
كنت قاعده ف البلكونة ف وقت الفجر و كنت فكراه نايم محستش غير لما صوته قطع هدوء الليل
بصيت له و إبتسمت إنت غريب أنا مش قادره أفهمك
كتف إيديه و إتنهد و تتعبي نفسك ليه عشان تفهميني م أنا قدامك أهو إسألي إلي عايزه مش كده أحسن
هزيت بكتافي بمعني لاء أقصر طريق بيمشيه الضعيف و أنا عايزه أتعب عشان أعرفك
إبتسم بتحبي الليمون بنعناع
مش عارفه
جربيه يمكن تحبيه
مش كل حاجه تستاهل إننا نجربها
لازم نجرب عشان نعرف ميولنا و إحساسنا ناحية أي شئ
مديت إيدي و أخدت كوبايتي و بدأت أشرب و أنا ببص على كام نجمه جمب بعض ..
شكلهم حلو مش كده
جدا
تفتكري ليه هما إلي شدوا نظرك ليهم مع إني السماء مليانه نجوم
يمكن عشان .....
فضلت أفكر حبه ف موصلتش لإجابة مش عارفه
التميز إلي فيهم إنهم قريبين من بعض قريبين لدرجه تحسسك إنهم حضنين بعض ده إلي ميزهم
القرب بيميز
لاء بس بيطمن نفس الاحساس إلي حسيتي بيه لما شوفتيهم
حسيت فعلا ب كدة لما بصتلهم ف إستغربت و فضلت ساكته أو ساكته ظاهريا بس لكن من جوايا نفس السؤال بيدور إنت إتجوزتيني ليه ي زين 
الإنسان بيتجوز ليه
مش عارفه!.
قام من على الكرسي طيب خليها لما تعرفي
قمت أنا كمان زين!.
نعم!
أنا محتاجه أعرف
إجابة سؤالك بتتحس مش بتتعرف ي حلم
إنت ليه مصمم تبقي غامض و متفهمنيش
إنت إلي مش مديه لنفسك فرصة تفهي
أفهم إيه
إبتسم إنك بتحبي الليمون بنعناع
معرفش ليه إبتسمت مع إني كنت ف أقصي ڠضبي منه
فاضل كام ساعه و نسافر ها هتنامي ولا تفضلي تفكري في حاجه مش محتاجه منك غير حبة نظر
تقصد إني غبيه!
لاء غبيه إيه بس لا سمح الله
زين!
إيه
أنا هدخل أنام.
ها كل حاجه تمام
ايوه
يعني مش ناسية حاجه
لاء متخفش
ضحك طيب و دي
حطيت إيدي على بوقي يلهوي كنت هسافر إزاي من غيرها
شغل العربية الهاند فري أهم مني مش كده!
كان بيتكلم بهزار بس مش عارفه ليه حسيت إني محتاجه أبررله إنه لاء مش أهم منه ولا حاجه بس أبرر ليه.
بردانه
لاء
طيب خدي الجاكيت
لاء عندك نعم ولا إيه
مشي إيده على شعره معاك إنت أه
و ده من إيه إن شاء الله
عشان بتقولي عكس إلي جواك ي حلم.
معرفش ليه حاولت إني أهرب من نظرته ليا ف حطيت رأسي على الشباك و بصيت على الزرع من ورا الزجاج.
غمضت عينيا بتعب ف حسيت بيه و هو بيغطيني بالجاكيت بتاعه و صوت بيردد جمبي تصبحي على خير شبهك.
حسيت إني قلبي اتقبض من قربه و من كلامه بقالي كام يوم تايهه ف علاقتنا و فيه مش عارفه هو بيفكر ازاي ولا بيعاملني كده ليه غامض و تعبني معاه!.
أحلام إحنا وصلنا
فتحت عينيا بكسل و بصتله أنا خاېفه
العيون الحلوه دي تخاف
أنا خاېفه من